കോൺഗ്രസ് എംഎൽഎമാർ ചണ്ഡിഗഡിലേക്ക്; സർക്കാർ രൂപീകരണത്തിൽ പ്രിയങ്കയ്ക്ക് മേൽനോട്ടം

ന്യൂഡൽഹി ∙ ഹിമാചൽപ്രദേശിൽ ഭരണം ഉറപ്പിച്ച കോൺഗ്രസ് എല്ലാ എംഎൽഎമാരോടും ചണ്ഡിഗഡിലെത്താൻ നിർദേശം നൽകി. സർക്കാർ രൂപീകരണ സാധ്യത തെളി‍ഞ്ഞതിനു പിന്നാലെ ഇന്നലെ ഉച്ചയോടെയാണ് കോൺഗ്രസ് ഇക്കാര്യത്തിൽ തീരുമാനമെടുത്തത്. എംഎൽഎമാരെ ബിജെപി സ്വാധീനിക്കുമെന്ന സംശയമാണ് ഈ തീരുമാനത്തിനു പിന്നിൽ. 

എംഎൽഎമാരെ രാജസ്ഥാനിലെ ജയ്പുരിലെത്തിക്കാനായിരുന്നു ആദ്യ തീരുമാനമെങ്കിലും ഭാരത് ജോഡോ കടന്നുപോകുന്നതിനാൽ സംരക്ഷണം ഏറ്റെടുക്കാൻ ബുദ്ധിമുട്ടാണെന്ന് സംസ്ഥാന ഘടകം അറിയിച്ചു. ഛത്തീസ്ഗഡ് മുഖ്യമന്ത്രി ഭൂപേഷ് ബാഗേൽ, ഭൂപീന്ദർ സിങ് ഹൂഡ, രാജീവ് ശുക്ല എന്നിവർ ചേർന്നാകും സർക്കാർ രൂപീകരണ നടപടികൾ ഏകോപിക്കുക. മേൽനോട്ടം പ്രിയങ്ക ഗാന്ധിക്ക്.

English Summary: Himachal assembly election results, Resort politics