ഒരു കിലോ കഞ്ചാവ് കടത്തിയ കേസ്: ഇന്ത്യൻ വംശജനെ തൂക്കിലേറ്റി

സിംഗപ്പൂർ ∙ ലഹരികടത്തു കേസിൽ ഇന്ത്യൻ വംശജനായ തങ്കരാജു സുപ്പയ്യയുടെ (46) വധശിക്ഷ സിംഗപ്പൂർ നടപ്പാക്കി. വധശിക്ഷ അരുതെന്ന ലോകമെങ്ങുമെങ്ങുമുള്ള മനുഷ്യാവകാശ പ്രവർത്തകരുടെയും ഐക്യരാഷ്ട്ര സംഘടനയുടെയും അഭ്യർഥന അവഗണിച്ച് ചാംഗി ജയിലിൽ ഇന്നലെ പുലർച്ചെയാണ് തൂക്കിലേറ്റിയത്. ഒരു കിലോ കഞ്ചാവ് കടത്തിയതിന് 2014ൽ അറസ്റ്റിലായി 2018 ഒക്ടോബറിൽ വധശിക്ഷയ്ക്കു വിധിക്കപ്പെട്ട സുപ്പയ്യയുടെ ദയാഹർജി പ്രസിഡന്റ് ഹാലിമ യാക്കൂബ് കഴിഞ്ഞ ദിവസം തള്ളിയിരുന്നു. 

English Summary : Indian hanged in Singapore in drug smuggling case