നിലവാരമില്ലാത്ത‌ ചുമ മരുന്നുകൾ നാൽപതിലേറെ

ന്യൂഡൽഹി ∙ ഇന്ത്യയിൽ നാൽപതിലേറെ കമ്പനികളുടെ ചുമ മരുന്നുകൾ ഗുണനിലവാര പരിശോധനയിൽ പരാജയപ്പെട്ടെന്ന് സെൻട്രൽ ഡ്രഗ്സ് സ്റ്റാൻഡേഡ് കൺട്രോൾ ഓർഗനൈസേഷൻ (സിഡിഎസ്‍സിഒ) റിപ്പോർട്ട്. ഇന്ത്യയിൽ ഉൽപാദിപ്പിച്ച ചുമ മരുന്നുകൾ കഴിച്ച് വിവിധ രാജ്യങ്ങളിലായി 141 കുട്ടികൾ മരിച്ചെന്ന റിപ്പോർട്ടുകളുടെ അടിസ്ഥാനത്തിൽ പല സംസ്ഥാനങ്ങളിലായി ലാബ് പരിശോധന നടത്തിയിരുന്നു. പരിശോധന നടത്തിയ 1105 സാംപിളുകളിൽ 59 എണ്ണത്തിനും മതിയായ നിലവാരം ഇല്ലായിരുന്നുവെന്നാണു റിപ്പോർട്ടിലുള്ളത്.