ഫോണിൽ സേവ് ചെയ്യാത്ത നമ്പറിനൊപ്പം പേരും: മുംബൈയിലും ഹരിയാനയിലും ട്രയൽ തുടങ്ങി

ന്യൂഡൽഹി ∙ സേവ് ചെയ്യാത്ത നമ്പറുകളിൽ നിന്നെത്തുന്ന കോളുകൾക്കൊപ്പം വിളിക്കുന്നയാളുടെ പേരും ലഭ്യമാക്കാനുള്ള സംവിധാനത്തിന്റെ ട്രയൽ ആരംഭിച്ചു. മുംബൈയിലും ഹരിയാനയിലുമാണു ചില കമ്പനികൾ പരീക്ഷണം തുടങ്ങിവച്ചത്. ടെലികോം വകുപ്പിന്റെ നിർദേശപ്രകാരമാണിത്.

ഫോൺ കോൾ ലഭിക്കുന്ന വ്യക്തിക്ക് വിളിക്കുന്നയാളുടെ വിവരം അറിയാൻ അവകാശമുണ്ടെന്ന് കേന്ദ്രം മുൻപ് വ്യക്തമാക്കിയിരുന്നു. നമ്പറിനൊപ്പം പേരുകൂടി കാണിക്കുന്ന കോളിങ് നെയിം പ്രസന്റേഷൻ (സിഎൻഎപി) രാജ്യത്ത് നടപ്പാക്കാണമെന്നാണു ടെലികോം റെഗുലേറ്ററി അതോറിറ്റി (ട്രായ്) കേന്ദ്രത്തിനു നൽകിയ നിർദേശം.\

സിം എടുക്കാനുപയോഗിച്ച തിരിച്ചറിയൽ രേഖയിലെ പേരായിരിക്കും സ്ക്രീനിൽ ദൃശ്യമാവുക.