കുവൈത്ത് തീപിടിത്തം: മരിച്ച ബിഹാർ സ്വദേശിയെയും തിരിച്ചറിഞ്ഞു
Mail This Article
×
കുവൈത്ത് സിറ്റി∙ തൊഴിലാളി താമസ കേന്ദ്രത്തിലുണ്ടായ അഗ്നിബാധയിൽ മരിച്ച ബിഹാർ സ്വദേശിയുടെ മൃതദേഹം തിരിച്ചറിഞ്ഞു. സഹോദരൻ ഷാരൂഖ് ഖാനെ കുവൈത്തിലെത്തിച്ച് ഡിഎൻഎ പരിശോധന നടത്തിയാണ് കലുക്ക ഇസ്ലാമാണ് (32) മരിച്ചതെന്ന് സ്ഥിരീകരിച്ചത്. മൃതദേഹം പട്നയിൽ എത്തിക്കാനുള്ള നടപടികൾ പുരോഗമിക്കുകയാണ്.
അടിയന്തര ധനസഹായമായ 8 ലക്ഷം രൂപയും കൈമാറും. 12ന് ഉണ്ടായ തീപിടിത്തത്തിൽ 24 മലയാളികൾ ഉൾപ്പെടെ 49 പേരാണു മരിച്ചത്. ഇതിനിടെ, അപകടത്തിൽ പരുക്കേറ്റ് ചികിത്സയിലായിരുന്ന ഒരാൾ കൂടി ആശുപത്രി വിട്ടു. നിലവിൽ 5 ഇന്ത്യക്കാരടക്കം 6 പേർ ചികിത്സയിൽ തുടരുകയാണ്. 3 പേർ തീവ്രപരിചരണ വിഭാഗത്തിലാണ്.
English Summary:
Kuwait fire: Body of Bihar native identified
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.