ദേര സച്ച സൗദ മേധാവി ബാബാ ഗുർമീത് സിങ്ങിന് 21 ദിവസത്തെ മോചനം

ചണ്ഡിഗഡ് ∙ പീഡനക്കേസിൽ ശിക്ഷിക്കപ്പെട്ട ദേര സച്ച സൗദ മേധാവി ബാബാ ഗുർമീത് റാം റഹിം സിങ് 21 ദിവസത്തെ താൽക്കാലിക മോചനം നേടി പുറത്തിറങ്ങി. 2 ശിഷ്യരെ ബലാത്സംഗം ചെയ്ത കേസിൽ 20 വർഷം ശിക്ഷിക്കപ്പെട്ട് ഹരിയാനയിലെ റോഹ്തകിലെ സുനാരിയ ജയിലിലാണ് റാം റഹിം സിങ് ഉള്ളത്. ഈ കാലയളവിൽ ഉത്തർപ്രദേശിലെ ബാഗ്പത്തിലെ ബർണാവയിലുള്ള ആശ്രമത്തിലായിരിക്കും. 

ഇളവ് നൽകാൻ ജയിലധികാരികൾക്ക് നിർദേശം നൽകണമെന്ന് ആവശ്യപ്പെട്ട് റാം റഹിം സിങ് ജൂണിൽ ഹൈക്കോടതിയെ സമീപിച്ചിരുന്നു. എന്നാൽ, ഇളവ് നൽകുന്നതിനെതിരെ ശിരോമണി ഗുരുദ്വാര പ്രബന്ധക് കമ്മിറ്റിയും (എസ്ജിപിസി) ഹർജി നൽകി. ഈ ഹർജി കഴിഞ്ഞ 9ന് തള്ളിയ ഹൈക്കോടതി, ബന്ധപ്പെട്ട അധികാരികൾക്ക് ഉചിതമായ തീരുമാനമെടുക്കാമെന്ന് വ്യക്തമാക്കിയിരുന്നു.