യുപിയിൽ നഴ്സിനെ ബലാൽസംഗം ചെയ്തു; ഡോക്ടർ അറസ്റ്റിൽ

മൊറാദാബാദ് (യുപി) ∙ ഉത്തർപ്രദേശിലെ സ്വകാര്യ ആശുപത്രിയിൽ നഴ്സിനെ ഡോക്ടർ ബലാൽസംഗം ചെയ്തു. സംഭവത്തിൽ ഡോക്ടറായ ഷാനവാസ്, നഴ്സ് മെഹ്നാസ്, ജോലിക്കാരനായ ജുനൈദ് എന്നിവർ അറസ്റ്റിലായി. 7 മാസമായി ആശുപത്രിയിൽ ജോലി ചെയ്യുന്ന ഇരുപതുകാരിയാണ് പീഡനത്തിന് ഇരയായത്. ശനിയാഴ്ച രാത്രി ഡ്യൂട്ടി ചെയ്യുന്നതിനിടയിലാണ് സംഭവം.

മെഹ്നാസും ജുനൈദും ചേർന്ന് ഒരു മുറിയിൽ പെൺകുട്ടിയെ പൂട്ടിയിട്ടു. അവിടെയെത്തിയ ഡോക്ടർ ബലാൽസംഗം ചെയ്തുവെന്നാണ് കേസ്. ചീഫ് മെഡിക്കൽ ഓഫിസർ ഡോ. കുൽദീപ് സിങ്ങിന്റെ നിർദേശാനുസരണം ആശുപത്രി പരിശോധനയ്ക്കു ശേഷം അടപ്പിച്ചു. അന്വേഷണം നടക്കുന്നതായി എസ്പി സന്ദീപ് കുമാർ മീണ പറഞ്ഞു.