കശ്മീരിന് സംസ്ഥാനപദവി നൽകുമെന്ന് അമിത് ഷാ

ന്യൂഡൽഹി ∙ നിയമസഭാ തിരഞ്ഞെടുപ്പിനു ശേഷം ജമ്മു കശ്മീരിനു സംസ്ഥാനപദവി നൽകുമെന്ന് കേന്ദ്ര ആഭ്യന്തരമന്ത്രി അമിത് ഷാ പറഞ്ഞു. ജമ്മു കശ്മീരിലെ ബിജെപി പ്രകടനപത്രിക പുറത്തിറക്കുകയായിരുന്നു അദ്ദേഹം. സാമൂഹിക സുരക്ഷാ പെൻഷനുകളിൽ 3 മടങ്ങ് വർധനയും വീട്ടിലെ പ്രായം ചെന്ന വനിതയ്ക്ക് വർഷം 18,000 രൂപ ധനസഹായവും പ്രകടനപത്രികയിൽ വാഗ്ദാനം ചെയ്തിട്ടുണ്ട്.

പ്രധാന വാഗ്ദാനങ്ങൾ:

∙ പിഎം കിസാൻ സമ്മാൻ നിധിയിൽനിന്നു കർഷകർക്ക് 10,000 രൂപയുടെ സഹായം.

∙ കൃഷിക്കുള്ള വൈദ്യുതിനിരക്ക് പകുതിയാക്കും.

∙ 5 ലക്ഷം യുവാക്കൾക്കു തൊഴിൽ.

∙ ഉജ്വല പദ്ധതി ഗുണഭോക്താക്കൾക്ക് വർഷം 2 സൗജന്യ എൽപിജി സിലിണ്ടറുകൾ.

∙ ജമ്മുവിലും ശ്രീനഗറിലും മെട്രോ ട്രെയിൻ.