ബിഷ്ണോയി അഭിമുഖം: 7 പഞ്ചാബ് പൊലീസ് ഉദ്യോഗസ്ഥർക്ക് സസ്പെൻഷൻ

ചണ്ഡിഗഡ് ∙ അധോലോക കുറ്റവാളി ജയിലിൽ കഴിയുന്ന ലോറൻസ് ബിഷ്ണോയിയുമായി അഭിമുഖം നടത്തുന്നതിന് ഒരു സ്വകാര്യ ടിവി ചാനലിനു സൗകര്യം ചെയ്തുകൊടുത്തതിന് ഒരു എസ്പിയും ഒരു ഡിഎസ്പിയും ഉൾപ്പെടെ 7 ഉന്നത പൊലീസ് ഉദ്യോഗസ്ഥരെ പഞ്ചാബ് പൊലീസ് സസ്പെൻഡ് ചെയ്തു. പ്രത്യേക അന്വേഷണ സംഘത്തിന്റെ റിപ്പോർട്ടിനെ തുടർന്നാണിത്. ബിഷ്ണോയി മൊഹാലിയിലെ ജയിലിൽ കഴിയുമ്പോഴായിരുന്നു ആദ്യ അഭിമുഖം. രണ്ടാമത്തേത് ജയ്പുർ സെൻട്രൽ ജയിലിൽ കഴിഞ്ഞപ്പോഴും. പ്രമുഖ പഞ്ചാബി പാട്ടുകാരൻ സിദ്ദു മൂസാവാലയെ 2022 ൽ വധിച്ച കേസിലെ കുറ്റാരോപിതനാണ് ബിഷ്ണോയി.