രണ്ടു സംഭവങ്ങളുടെയും സിസിടിവി ദൃശ്യങ്ങൾ പുറത്ത്

ആലപ്പുഴ ∙ എസ്ഡിപിഐ സംസ്ഥാന സെക്രട്ടറി കെ.എസ്.ഷാൻ സഞ്ചരിച്ചി‍രുന്ന സ്കൂട്ടറിനെ കാറിടിച്ചു വീഴ്ത്തിയ ശേഷം വെട്ടി പരുക്കേൽപ്പിക്കുന്നതിന്റെ സിസിടിവി ദൃശ്യങ്ങൾ പുറത്തു വന്നു. വടിവാൾ പോലെയുള്ള ആയുധം ഉപയോഗിച്ച് 4 പേർ ആക്രമിക്കുന്നതാണു ദൃശ്യങ്ങളിലുള്ളത്. കാർ ഡ്രൈവറെ കൂടാതെയാണ് 4 പേർ.

ആലപ്പുഴയിൽ ഒബിസി മോർച്ച സംസ്ഥാന സെക്രട്ടറി രൺജീത് ശ്രീനിവാസിനെ ആക്രമിക്കാനെത്തിയവരെന്നു സംശയിക്കുന്നവരുടെയും സിസിടിവി ദൃശ്യങ്ങൾ പൊലീസിനു ലഭിച്ചിട്ടുണ്ട്. 6 ബൈക്കുകളിലായി 12 അംഗ സംഘം പ്രധാന റോഡിൽ നിന്നു രൺജീതിന്റെ വീട്ടിലേക്കുള്ള ഇടവഴിയിലേക്കു തിരിയുന്നതാണു ദൃശ്യങ്ങളിലുള്ളത്. ഇവർ ഹെൽമറ്റും മാസ്ക്കും ധരിച്ചിരുന്നതിനാൽ മുഖം വ്യക്തമല്ല.

English Summary: Alappuzha murders, CCTV visuals out