പൊളിച്ചുകൊണ്ടുപോയ വിമാനത്തിന്റെ ചിറകിടിച്ച് ബസ് തകർന്നു; ഡ്രൈവർക്ക് അദ്ഭുത രക്ഷപ്പെടൽ

ബാലരാമപുരം (തിരുവനന്തപുരം) ∙ ലേലത്തിൽ പൊളിച്ചു വിറ്റ വിമാനത്തിന്റെ ഭാഗങ്ങളുമായി ഹൈദരാബാദിലേക്കു പോവുകയായിരുന്ന 4 കൂറ്റൻ ട്രെയിലറുകളി‍ൽ ഒന്നിലെ വിമാനച്ചിറകിടിച്ച് ഡ്രൈവർ ഉൾപ്പെടെ 5 കെഎസ്ആർടിസി ബസ് യാത്രക്കാർക്ക് പരുക്ക്. ബസിന്റെ ഒരു ഭാഗം പൂർണമായും തകർന്നു. ഡ്രൈവർ അദ്ഭുതകരമായി രക്ഷപ്പെട്ടു.

ഇന്നലെ പുലർച്ചെ ഒരു മണിയോടെ ദേശീയപാതയിൽ ബാലരാമപുരത്തിനും വഴിമുക്കിനും ഇടയിൽ തയ്ക്കാപ്പള്ളിക്ക് സമീപമാണ് അപകടം. വിമാനത്തിന്റെ എൻജിനും ചിറകും ടയറുകളുമായി പോവുകയായിരുന്നു ട്രെയിലർ. 

English Summary: Five people injured in accident