ധാതുമണൽ കൊള്ള: കെഎസ്ഐഡിസിക്കും പങ്കുണ്ടെന്ന് ഷോൺ

കൊച്ചി∙ കേരള മിനറൽസ് ആൻഡ് മെറ്റൽസ് ലിമിറ്റഡ് (കെഎംഎംഎൽ) നടത്തിയ ധാതുമണൽ കൊള്ളയിൽ കെഎസ്ഐഡിസിക്കും പങ്കുണ്ടെന്ന് ഷോൺ ജോർജ്. തോട്ടപ്പള്ളിയിൽ കരിമണൽ ഖനനത്തിന് കെഎംഎംഎലിന് അനുമതി നൽകിയത് കുറഞ്ഞ വിലയ്ക്കാണ്. ഇതിനായി കെഎസ്ഐഡിസി ഇടപെട്ടു. 

രാജ്യാന്തര തലത്തിൽ 30,600 രൂപ വിലയുള്ളയിടത്ത് കെഎംഎംഎലിന് മണൽ ഖനനത്തിന് 464 രൂപയ്ക്കാണ് അനുമതി നൽകിയതെന്നും ഷോൺ ആരോപിച്ചു. കെഎസ്ഐഡിസിയിൽ നിന്ന് 2003, 2014, 2018 വർഷങ്ങളിൽ വിരമിച്ച മൂന്നു ഉദ്യോഗസ്ഥർ കൂളിങ് പീരിയഡ് പാലിക്കാതെ സിഎംആർഎലിന്റെ ഡയറക്ടറർ പദവിയിൽ ജോലി ചെയ്തത് എങ്ങനെയാണെന്ന് അന്വേഷിക്കണമെന്നും ഷോൺ ആവശ്യപ്പെട്ടു.