ജോയിയുടെ കുടുംബത്തിന് നഷ്ടപരിഹാരം: തീരുമാനം ഇന്ന്

തിരുവനന്തപുരം ∙ ആമയിഴഞ്ചാൻ തോടു വൃത്തിയാക്കുന്നതിനിടെ ഒഴുക്കിൽപെട്ടു മരിച്ച ജോയിയുടെ കുടുംബത്തിനുള്ള നഷ്ടപരിഹാരം സംബന്ധിച്ച് മന്ത്രിസഭ ഇന്നു തീരുമാനമെടുക്കും. ധനസഹായവും വീടും നൽകാനാണു സർക്കാർതലത്തിലെ ആലോചന. സ്ഥലം ലഭ്യമാക്കിയാൽ ജോയിയുടെ സ്വദേശമായ മാരായമുട്ടത്ത് വീടു നിർമിച്ചു നൽകാൻ കോർപറേഷനും ആലോചിക്കുന്നുണ്ട്. സി.കെ.ഹരീന്ദ്രൻ എംഎൽഎ ജോയിയുടെ കുടുംബത്തിനു സ്ഥലം ലഭ്യമാക്കാമെന്ന് അറിയിച്ചിട്ടുണ്ട്.