ഷിരൂരിൽ തിരച്ചിലിന് ഡ്രജർ ഈയാഴ്ച എത്തിയേക്കും
Mail This Article
×
കാർവാർ(കർണാടക) ∙ ഷിരൂരിൽ മണ്ണിടിച്ചിലിൽ കാണാതായ കോഴിക്കോട് സ്വദേശി അർജുനടക്കം 3 പേർക്കുവേണ്ടിയുള്ള തിരച്ചിലിന് ഡ്രജർ ഈയാഴ്ച എത്തിച്ചേക്കും. ഗോവ തീരത്തുനിന്ന് കടലിലൂടെ കാർവാർ തീരത്ത് എത്തിക്കുന്ന ഡ്രജർ ഗംഗാവലിപ്പുഴയിലെ 2 പാലങ്ങൾക്കടിയിലൂടെ ബോട്ടിലാണ് ഷിരൂരിൽ എത്തിക്കുക. ഡ്രജർ കാർവാറിൽനിന്ന് ഷിരൂരിലെത്തിക്കാൻ 10 മണിക്കൂറെങ്കിലും വേണ്ടിവരും. വേലിയിറക്ക സമയത്ത് പുഴയിൽ ജലനിരപ്പ് കുറയുമ്പോൾ ഡ്രജറുമായി ബോട്ട് പാലത്തിനടിയിലൂടെ കടക്കും. നാവികസേനയുടെയും ഈശ്വർ മൽപെ അടക്കമുള്ള പ്രാദേശിക മത്സ്യത്തൊഴിലാളികളുടെയും സഹായം തേടുന്നതടക്കമുള്ള കാര്യങ്ങൾ ഉത്തര കന്നഡ ജില്ലാ ഭരണകൂടം തീരുമാനിക്കും.
English Summary:
Drudger May Arrive This Week Search in Shirur
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.