അഗ്നിശമനസേനാ നിയമഭേദഗതി: അന്തിമഘട്ടത്തിലെന്ന് മന്ത്രി

തിരുവനന്തപുരം∙ കേരള അഗ്നിശമനസേനാ നിയമം ഭേദഗതി ചെയ്യാനുള്ള നടപടികൾ അന്തിമ ഘട്ടത്തിലാണെന്ന് മന്ത്രി എം.ബി.രാജേഷ് നിയമസഭയെ അറിയിച്ചു. 1962ലെ നിയമമാണു ഭേദഗതി ചെയ്യുന്നത്. ഇതുമായി ബന്ധപ്പെട്ട് എൻ.ജയരാജ് എംഎൽഎ അവതരിപ്പിച്ച സ്വകാര്യ ബില്ലിനുള്ള മറുപടിയിലാണു മുഖ്യമന്ത്രിക്കു വേണ്ടി മന്ത്രി ഇക്കാര്യമറിയിച്ചത്. സംസ്ഥാനത്ത് അഗ്നിശമനസേനാ സ്റ്റേഷനുകളുടെ എണ്ണം വർധിപ്പിക്കണമെന്ന് ജയരാജ് ആവശ്യപ്പെട്ടു.