23 വരെ മഴയ്ക്ക് സാധ്യത; തിരുവനന്തപുരത്തും ഇടുക്കിയിലും ഇന്ന് യെലോ അലർട്ട്

തിരുവനന്തപുരം∙ ഇന്നു മുതൽ 23 വരെ കേരളത്തിൽ ഒറ്റപ്പെട്ടയിടങ്ങളിൽ മിന്നലോടുകൂടിയ മഴയ്ക്കു സാധ്യതയുണ്ടെന്ന് കേന്ദ്ര കാലാവസ്ഥാവകുപ്പ് അറിയിച്ചു. തിരുവനന്തപുരം, ഇടുക്കി ജില്ലകളിൽ ഇന്ന് യെലോ അലർട്ടാണ്. കേരള തീരത്ത് പുലർച്ചെ 2.30 മുതൽ നാളെ രാത്രി 11.30വരെ ഉയർന്ന തിരയ്ക്കും കള്ളക്കടൽ പ്രതിഭാസത്തിനും സാധ്യതയുണ്ടെന്ന് ദേശീയ സമുദ്രസ്ഥിതി പഠനഗവേഷണ കേന്ദ്രം മുന്നറിയിപ്പ് നൽകി.