സമരങ്ങളിൽ നേതാക്കൾക്ക് അടി കിട്ടുന്നത് സ്വഭാവികം; കെഎസ്യുവിനോട് എസ്എഫ്ഐ
Mail This Article
തിരുവനന്തപുരം∙ യൂണിവേഴ്സിറ്റി കോളജിനെ തകർക്കാനാണ് കെഎസ്യു ശ്രമിക്കുന്നതെന്ന് എസ്എഫ്ഐ സംസ്ഥാന സെക്രട്ടറി സച്ചിൻ ദേവ്. നിലവിൽ കോളജിൽ എല്ലാ വിദ്യാർഥി പ്രസ്ഥാനങ്ങൾക്കും പ്രവർത്തന സ്വാതന്ത്ര്യം ഉണ്ട്. സമരങ്ങളിൽ പങ്കെടുക്കുമ്പോൾ നേതാക്കൾക്ക് അടി കിട്ടുന്നത് സ്വാഭാവികമാണെന്നും സച്ചിന് ദേവ് പറഞ്ഞു.
യൂണിവേഴ്സിറ്റി കോളജിന് മുന്നില് കെഎസ്യു സംസ്ഥാന പ്രസിഡന്റ് ഉള്പ്പടെയുള്ളവരെ മര്ദിച്ച എസ്എഫ്ഐ പ്രവര്ത്തകരെ പൊലീസ് സംരക്ഷിക്കുന്നുവെന്ന് ആരോപിച്ച് കെഎസ്യു പ്രവര്ത്തകര് കൊല്ലം ഈസ്റ്റ് പൊലീസ് സ്റ്റേഷനിലേക്കു നടത്തിയ മാര്ച്ചില് സംഘര്ഷമുണ്ടായി.
ബാരിക്കേഡ് തകര്ക്കാന് ശ്രമിച്ച പ്രവര്ത്തകര്ക്കു നേരെ രണ്ടു തവണ ജലപീരങ്കി പ്രയോഗിച്ചു. ഉന്തിലും തള്ളിലും ജില്ലാ പ്രസിഡന്റ് വിഷ്ണു വിജയന് പരുക്കേറ്റു. തുടര്ന്ന് ദേശീയപാത അറുപത്തിയാറില് കുത്തിയിരുന്ന കെഎസ്യു പ്രവര്ത്തകരെ പൊലീസ് അറസ്റ്റു ചെയ്തു നീക്കി.
English Summary: Thiruvananthapuram: SFI, KSU supporters clash, sachin dev response