ലഹരിക്കേസിൽ പേര് പരാമർശിച്ചതിന് പിന്നാലെ മോദിയെ പുകഴ്ത്തി കരൺ ജോഹർ

മുംബൈ∙ പ്രധാനമന്ത്രി നരേന്ദ്ര മോദിയെ പുകഴ്ത്തി സംവിധായകൻ കരൺ ജോഹറുടെ ട്വീറ്റ്. മോദിയിൽ നിന്ന് പ്രചോദനം ഉൾക്കൊള്ളുന്നുവെന്നും രാജ്യത്തിന്റെ 75–ാം സ്വാതന്ത്ര്യദിനാഘോഷവുമായി ബന്ധപ്പെട്ട പരിപാടികൾക്കായി ബോളിവുഡിലെ സിനിമാ പ്രവർത്തകർ കൈകോർക്കുമെന്നും കരൺ ജോഹർ ട്വിറ്ററിൽ കുറിച്ചു. ബോളിവുഡുമായി ബന്ധപ്പെട്ട ലഹരിക്കേസുകളിൽ കരൺ ജോഹറുടെ പേരും പരാമർശിച്ചതിനു പിന്നാലെയാണ് പ്രധാനമന്ത്രിയെ പുകഴ്ത്തിയെന്നത് ശ്രദ്ധേയമായി.

കരൺ ജോഹറിന്റെ സിനിമാ നിർമാണ കമ്പനിയുമായി ബന്ധമുണ്ടായിരുന്ന 2 പേരെ നർക്കോട്ടിക്‌സ് കൺട്രോൾ ബ്യൂറോ (എൻസിബി) ചോദ്യം ചെയ്തിരുന്നു. ഒരാളെ പിന്നീട് അറസ്റ്റ് ചെയ്തു. ഇരുവരുമായി ഇപ്പോൾ ബന്ധമില്ലെന്ന് കരൺ ജോഹർ പ്രസ്താവനയും ഇറക്കിയിരുന്നു.

English Summary: Karan Johar pens note for PM Modi