മാളില്‍ നടിയെ അപമാനിച്ചവരെ തിരിച്ചറിഞ്ഞു; പെരിന്തല്‍മണ്ണ സ്വദേശികള്‍, കീഴടങ്ങിയേക്കും

കൊച്ചി∙ കൊച്ചിയിലെ മാളില്‍ നടിയെ അപമാനിച്ചവരെ തിരിച്ചറിഞ്ഞു. പെരുന്തല്‍മണ്ണ സ്വദേശികളായ ഇവര്‍ ഉടന്‍ കീഴടങ്ങാന്‍ സാധ്യത. ഇന്ന് അറസ്റ്റുണ്ടായേക്കും. അറിഞ്ഞുകൊണ്ട് നടിയുടെ ശരീരത്തില്‍ സ്പര്‍ശിച്ചിട്ടില്ലെന്നും നടിയുടെ കുടുംബത്തിനോടു മാപ്പു പറയാന്‍ തയാറാണെന്നും പ്രതികള്‍ പറഞ്ഞു.

ഇന്നലെ പ്രതികളുടെ ദൃശ്യങ്ങള്‍ പൊലീസ് പുറത്തുവിട്ടിരുന്നു. നടിയെ അപമാനിച്ചശേഷം എറണാകുളം നോര്‍ത്ത് റയില്‍വേ സ്റ്റേഷനില്‍നിന്ന് പ്രതികള്‍ വടക്കന്‍ ജില്ലകളിലേക്കുള്ള ട്രെയിനിലാണ് യാത്ര ചെയ്തത്.

വ്യാഴാഴ്ച വൈകിട്ടാണ് മാളിലെത്തിയ നടിയെ രണ്ടു യുവാക്കള്‍ അപമാനിച്ചത്. ശരീരത്തിൽ സ്പർശിച്ച ശേഷം പിന്തുടർന്നുവെന്ന് നടി സമൂഹമാധ്യമത്തിൽ കുറിച്ചതോടെയാണ് വിവരം പുറത്തറിഞ്ഞത്. പിന്നീട് പൊലീസ് സ്വമേധയാ കേസെടുത്ത് അന്വേഷണം നടത്തുകയായിരുന്നു. 

English Summary: Malayalam Actress Molestation Attempt: Convicts identified