സന്നിധാനത്ത് തങ്കഅങ്കി ചാർത്തി ദീപാരാധന; മണ്ഡലപൂജ ശനിയാഴ്ച

ശബരിമല ∙ മണ്ഡലപൂജയ്ക്കു മുന്നോടിയായി തങ്കഅങ്കി ചാർത്തി ശബരിമലയിൽ മഹാദീപാരാധന നടന്നു. തീർഥാടക പ്രവാഹമില്ലെങ്കിലും സന്നിധാനത്ത് ഭക്തിയുടെ പൂർണത. 6.20ന് തങ്കഅങ്കി പേടകം കൊടിമരച്ചുവട്ടിൽ ദേവസ്വം പ്രസിഡന്റ് എൻ.വാസുവിന്റെ നേതൃത്വത്തിൽ സ്വീകരിച്ചു. ശ്രീകോവിലിൽ തന്ത്രിയും മേൽശാന്തിയും ചേർന്ന് ഏറ്റുവാങ്ങി. തുടർന്നായിരുന്നു മഹാദീപാരാധന. ശനിയാഴ്ചയാണു മണ്ഡലപൂജ.

English Summary: Thanka Anki reaches Sabarimala Temple