‘ഫിറോസിക്ക വരില്ലേ..’: ജലീലിനോട് കുട്ടി; പൊട്ടിച്ചിരിച്ച് മന്ത്രി– വിഡിയോ

മലപ്പുറം∙ തവനൂരിൽ ഇത്തവണ കടുത്ത പോരാട്ടമാണ്. മന്ത്രി കെ.ടി ജലീലിനെ തോൽപ്പിക്കാൻ സാമൂഹിക പ്രവർത്തകനായ ഫിറോസ് കുന്നംപറമ്പിലിനെ യുഡിഎഫ് തീരുമാനിച്ചതോടെ സൈബറിടങ്ങളിലും പ്രചാരണം കൊഴുത്തു. ഫിറോസിനെ ട്രോളിയും കള്ളനെന്ന് വിളിച്ചുമുള്ള പ്രചാരണങ്ങൾക്കെതിരെ മറുപടിയുമായി അദ്ദേഹവും രംഗത്തെത്തി.

കള്ളനാണെങ്കിൽ എന്താണ് ഇത്രനാൾ അറസ്റ്റു ചെയ്യാതിരുന്നത് എന്നായിരുന്നു ഫിറോസിന്റെ മറുചോദ്യം. ഇപ്പോൾ ഒരു കുട്ടിയും ജലീലും തമ്മിലുള്ള വിഡിയോയാണ് ഫിറോസ് അനുകൂലികൾ പങ്കിടുന്നത്.

കുഞ്ഞിനെ എടുത്ത ജലീലിനോട് ‘ഫിറോസിക്ക എപ്പോഴാ വരിക, ഫിറോസിക്ക വരില്ലേ..’ എന്നാണ് കുട്ടിയുടെ ചോദ്യം. കുഞ്ഞിന്റെ നിഷ്കളങ്കമായ ചോദ്യത്തിന് പിന്നാലെ കെ.ടി ജലീലും പൊട്ടിച്ചിരിച്ചു. 

English Summary : KT Jaleel with a child viral video