ബംഗാളിലെ 38 തൃണമൂൽ എംഎൽഎമാർക്ക് ബിജെപിയുമായി ‘നല്ല ബന്ധം’: മിഥുൻ ചക്രവർത്തി
Mail This Article
×
കൊൽക്കത്ത ∙ ബംഗാളിലെ 38 തൃണമൂൽ കോൺഗ്രസ് എംഎൽഎമാർക്ക് ബിജെപിയുമായി ബന്ധമുണ്ടെന്ന് ബിജെപി നേതാവും നടനുമായ മിഥുൻ ചക്രവർത്തി. ‘നിങ്ങൾക്ക് ബ്രേക്കിങ് ന്യൂസ് കേൾക്കണോ? 38 തൃണമൂല്‍ കോൺഗ്രസ് എംഎൽഎമാർക്ക് ഞങ്ങളുമായി നല്ല ബന്ധമാണ് ഉള്ളത്. അതിൽ 21 എംഎൽഎമാർ ഞങ്ങളുമായി നേരിട്ട് ബന്ധം പുലർത്തുന്നു’– കൊൽക്കത്തയിൽ നടന്ന വാർത്താസമ്മേളനത്തിൽ മിഥുൻ ചക്രവർത്തി അവകാശപ്പെട്ടു.
കഴിഞ്ഞ വർഷം ബംഗാൾ നിയമസഭാ തിരഞ്ഞെടുപ്പിനു മുൻപ് സുവേന്ദു അധികാരി ഉൾപ്പെടെ നിരവധി നേതാക്കൾ തൃണമൂൽ കോണ്‍ഗ്രസ് വിട്ട് ബിജെപിയിൽ ചേർന്നിരുന്നു. എന്നാൽ, മമത ബാനർജിയുടെ നേതൃത്വത്തിൽ വീണ്ടും അധികാരത്തിൽ വന്നതിനു പിന്നാലെ നിരവധി പേർ ബിജെപി വിട്ട് തൃണമൂലിൽ തിരിച്ചെത്തി.
English Summary: 38 Trinamool MLAs in touch with BJP, claims Mithun Chakraborty
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
