റോഡിൽ ഓണാഘോഷം; ലാത്തിവീശി പൊലീസ്; ചിതറിയോടി വിദ്യാർഥികൾ; വിഡിയോ

മലപ്പുറം∙ പരപ്പനങ്ങാടിയില്‍ ഗതാഗതം തടസപ്പെടുത്തി വിദ്യാര്‍ഥികളുടെ ഓണാഘോഷം.  വിദ്യാർഥികൾക്കുനേരെ പൊലീസ് ലാത്തിവീശി. പരപ്പനങ്ങാടി കോ ഓപറേറ്റീവ് കോളജിലെ അന്‍പതിലധികം വിദ്യാര്‍ഥികള്‍ക്കെതിരെ കേസെടുത്തു.

റോഡിലൂടെ ഒന്നിച്ചുവരുന്നതുകണ്ട് ഗതാഗതം തടസ്സപ്പെടുത്തരുതെന്ന് പൊലീസ് പലവട്ടം ആവശ്യപ്പെട്ടെങ്കിലും അനുസരിച്ചില്ല. ഇതോടെയാണ് പൊലീസ് ലാത്തിവീശിയത്. ഓണാഘോഷത്തിന്റെ ഭാഗമായി രൂപംമാറ്റം വരുത്തിയ ബൈക്കുകളിലും ഓപ്പൺ ജീപ്പുകളിലും വിദ്യാർഥികൾ എത്തിയിരുന്നു. ഈ വാഹനങ്ങളും പൊലീസ് പിടിച്ചെടുത്തു. 30 ബൈക്കുകളും ഒരു ജീപ്പുമാണ് പിടിച്ചെടുത്തത്.

English Summary: College onam celebration: case against Students