കുതിരവട്ടത്തുനിന്ന് പുലർച്ചെ ചാടിപ്പോയ വധക്കേസ് പ്രതി പൂനം ദേവി പിടിയിൽ

കോഴിക്കോട് ∙ കുതിരവട്ടം മാനസികാരോഗ്യ കേന്ദ്രത്തിലെ ഫൊറന്‍സിക് വാര്‍ഡിൽനിന്ന് ചാടിപ്പോയ അന്തേവാസിയെ പിടികൂടി. മലപ്പുറം വേങ്ങര സഞ്ചിത് പാസ്വാന്‍ വധക്കേസിലെ പ്രതി പൂനം ദേവിയാണ് കടന്നുകളഞ്ഞത്. വേങ്ങരയിൽ നിന്നാണ് ഇവരെ പൊലീസ് പിടികൂടിയത്. സ്റ്റാൻഡിൽനിന്ന് ബസിൽ കയറി പോകുന്നതായി പൊലീസ് കൺട്രോൾ റൂമിൽ വിവരം ലഭിച്ചു. തുടർന്ന് പൊലീസ് ബസ് പരിശോധിച്ച് പിടികൂടുകയായിരുന്നു.

ശനിയാഴ്ചയാണ് പൂനം ദേവിയെ മാനസികാരോഗ്യ കേന്ദ്രത്തില്‍ എത്തിച്ചത്. ഞായറാഴ്ച പുലർച്ചെ ചാടിപ്പോയി. ശുചിമുറിയുടെ വെന്റിലേറ്റര്‍ ഗ്രില്‍ ഇളക്കിയ നിലയില്‍ കണ്ടെത്തിയിരുന്നു. ഇതു ശ്രദ്ധയിൽപെട്ട സുരക്ഷാ ജീവനക്കാർ വിവരം അധികൃതരെ അറിയിച്ചു. ഭർത്താവ് സഞ്ചിത് പാസ്വാനെയും കുഞ്ഞിനെയും പൂനം ദേവി കൊലപ്പെടുത്തിയെന്നാണ് കേസ്. മുന്‍പ് കുതിരവട്ടത്തുനിന്ന് രണ്ടു അന്തേവാസികൾ ചാടിപ്പോയിരുന്നു.

English Summary: Inmate Escaped from Kuthiravattam Mental Hospital