കോട്ടയത്ത് ബസ് ഓടിക്കുന്നതിനിടെ ഡ്രൈവർക്ക് ശാരീരികാസ്വാസ്ഥ്യം; കടയിലേക്ക് ഇടിച്ചുകയറി– വിഡിയോ

ഏറ്റുമാനൂർ∙ കോട്ടയത്തിനു സമീപം എംസി റോഡിൽ ഏറ്റുമാനൂർ പാറോലിക്കലിൽ ബസ് ഓടിക്കുന്നതിനിടെ ഡ്രൈവർക്ക് ശാരീരികാസ്വാസ്ഥ്യം. ഇതേത്തുടർന്ന് നിയന്ത്രണം നഷ്ടപ്പെട്ട ബസ് സമീപത്തെ ചായക്കടയിലേക്ക് ഇടിച്ചുകയറി. പിറവം - കോട്ടയം റൂട്ടിൽ ഓടുന്ന ജയ് മേരി ബസാണ് അപകടത്തിൽപെട്ടത്. കട പൂർണമായും തകർന്നു. അപകട സമയത്ത് കടയിൽ ആളില്ലാതിരുന്നതിനാൽ വൻ ദുരന്തം ഒഴിവായി. ബസിലുണ്ടായിരുന്ന ഇരുപതോളം യാത്രക്കാരും അദ്ഭുതകരമായി പരുക്കേൽക്കാതെ രക്ഷപ്പെട്ടു.

English Summary: Bus Accident Near Ettumanoor, Kottayam