പിതാവും മകനും സഞ്ചരിച്ച ബൈക്കിൽ മിനി ബസിടിച്ച് പിതാവ് മരിച്ചു

പൂനൂർ∙പിതാവും മകനും സഞ്ചരിച്ച ബൈക്കിൽ മിനി ബസിടിച്ച് പിതാവ് മരിച്ചു. പൂനൂർ കക്കാട്ടുമ്മൽ മുഹമ്മദലിയാണ് (42) മരിച്ചത്. പൂനൂർ ടൗണിലെ മിനിലോറി ഡ്രൈവറായിരുന്നു.  കൂടെ യാത്ര ചെയ്തിരുന്ന മകൻ മുഹമ്മദ് സിനാന് (13) പരുക്കേറ്റു. ഇന്ന് രാവിലെ ആയിരുന്നു അപകടം. പൂനൂർ ടൗണിൽ നിന്ന്  മകനോടൊപ്പം  വീട്ടിലേക്ക് വരികെ പെരിങ്ങളം വയൽ പെട്രോൾ പമ്പിനടുത്ത് വച്ച് ടൂറിസ്റ്റ് മിനി ബസ് ബൈക്കിൽ ഇടിക്കുകയായിരുന്നു. 

ഗുരുതരമായി  പരുക്കേറ്റ ഇരുവരെയും കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും മുഹമ്മദലി മരിച്ചു.  കക്കാട്ടുമ്മൽ അഹമ്മദ് കോയയുടെയും കുഞ്ഞിപ്പാത്തുമ്മയുടെയും മകനാണ്  മുഹമ്മദലി. ഭാര്യ: ഹഫ്സത്ത്. മറ്റൊരു മകൻ:  നിഹാൽ. സഹോദരങ്ങൾ: സഫിയ, സുബൈദ, നസീമ, അസ്മ.

English Summary: Bike Accident in Kozhikode