തളിപ്പറമ്പ് താലൂക്ക് ആശുപത്രിയിൽ യുവതിക്ക് കൂട്ടിരിക്കാൻ വന്ന സ്ത്രീയെ അണലി കടിച്ചു

തളിപ്പറമ്പ് (കണ്ണൂർ)∙ തളിപ്പറമ്പ് താലൂക്ക് ആശുപത്രിയിൽ പ്രസവത്തിനെത്തിയ യുവതിയുടെ കൂടെ വന്ന ബന്ധുവായ സ്ത്രീക്ക് പേ വാർഡിൽ വച്ച് അണലി പാമ്പിന്റെ കടിയേറ്റു. ഇന്നലെ അർധരാത്രി 12നാണ് സംഭവം.

കടിയേറ്റ ചെമ്പേരി വെള്ളേൻ പറമ്പിൽ ലത (55)യെ പരിയാരം ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. നിലത്ത് ഷീറ്റ് വിരിച്ച് കിടന്നപ്പോഴാണു കടിയേറ്റത്. ഇവരുടെ സ്ഥിതി ഗുരുതരമല്ലെന്നാണു താലൂക്ക് ആശുപത്രി അധികൃതർ അറിയിച്ചിരിക്കുന്നത്.

English Summary: Snake bites woman who accompanied patient in Taluk hospital, Taliparamba