തൃശൂരിൽ പ്രോട്ടീൻ പൗഡർ വിൽക്കുന്ന സ്ഥാപനത്തിൽനിന്ന് 5 കിലോ കഞ്ചാവ് പിടിച്ചെടുത്തു; രണ്ടു പേർ അറസ്റ്റിൽ

തൃശൂർ ∙ തൃശൂർ നഗരത്തിലെ പടിഞ്ഞാറേക്കോട്ടയിൽ ജിംനേഷ്യത്തിലേക്ക് ആവശ്യമായ പ്രോട്ടീൻ പൗഡർ വിൽക്കുന്ന സ്ഥാപനത്തിൽനിന്ന് അഞ്ച് കിലോ കഞ്ചാവ് പിടിച്ചെടുത്തു. അസമിൽനിന്ന് മരുന്നുകളെന്ന പേരിലാണ് കഞ്ചാവ് എത്തിച്ചത്. സംഭവവുമായി ബന്ധപ്പെട്ട് രണ്ടുപേരെ പൊലീസ് അറസ്റ്റ് ചെയ്തു.

രഹസ്യ വിവരം ലഭിച്ചതിന്റെ അടിസ്ഥാനത്തിൽ നടത്തിയ റെയ്ഡിൽ പ്രോട്ടീൻ മാൾ എന്ന സ്ഥാപനത്തിൽനിന്നാണ് പൊലീസ് കഞ്ചാവ് കണ്ടെത്തിയത്. രണ്ട് ജിംനേഷ്യങ്ങളിലും പരിശോധന നടത്തിയിരുന്നു. സംഭവവുമായി ബന്ധപ്പെട്ട് കടയുടമ വിഷ്ണു (33), ഇയാളുടെ സഹായി എന്നിവരെയാണ് പൊലീസ് കസ്റ്റഡിയിലെടുത്തത്.

English Summary: 5 kg ganja seized from the shop supplying protein powder; 2 arrested