മലപ്പുറത്ത് കടന്നൽ കുത്തേറ്റ് വയോധികൻ മരിച്ചു; 5 പേർക്കു പരുക്ക്

മലപ്പുറം∙ എരമംഗലത്തു കടന്നൽ കുത്തേറ്റു വയോധികൻ മരിച്ചു. പൊന്നാനി തൃക്കാവ് സ്വദേശി പി.ആർ.ഗോപാലകൃഷ്ണനാണു (74) മരിച്ചത്. കുടുംബക്ഷേത്രത്തിനു സമീപത്തെ മരത്തിൽനിന്നാണു കടന്ന‍ൽ കുത്തേറ്റത്.

ക്ഷേത്രത്തിലേക്ക് പോകവേ, കടന്നൽക്കൂട്ടം ഇളകിവന്നു ഗോപാലകൃഷ്ണൻ അടക്കമുള്ളവരെ കുത്തുകയായിരുന്നു. പെരുമ്പടപ്പിലെ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. അഞ്ചുപേർക്ക് പരുക്കേറ്റു.