ആലപ്പുഴ ജില്ലാ കലക്ടറെ അടിയന്തരമായി മാറ്റി; അലക്സ് വർഗീസ് പുതിയ കലക്ടർ

ആലപ്പുഴ ∙ ജില്ലാ കലക്ടറെ അടിയന്തരമായി മാറ്റി. പുതിയ കലക്ടറായി നഗരകാര്യ ഡയറക്ടറായിരുന്ന അലക്സ് വർഗീസ് ചുമതലയേറ്റു. നിലവിലുള്ള കലക്ടർ ജോൺ വി.സാമുവലിനു പകരം ചുമതല നൽകിയിട്ടില്ല. നഗരകാര്യ വകുപ്പിൽ ചുമതല നൽകുമെന്നാണ് ഉത്തരവിൽ പറയുന്നത്. 

Read also: ഇലക്ടറൽ ബോണ്ട് നമ്പറുകൾ പ്രസിദ്ധീകരിക്കണം; എസ്ബിഐക്ക് നോട്ടിസ് അയച്ച് സുപ്രീം കോടതി

സിപിഐ അനുകൂല ജോയന്റ് കൗൺസിലുമായുള്ള ഭിന്നതയാണു മാറ്റത്തിനു കാരണമെന്നാണു സൂചന. ഇന്നലെ രാത്രിയാണ് പുതിയ കലക്ടറെ നിയമിച്ച ഉത്തരവ് ഇറങ്ങിയത്. അടിയന്തരമായി ചുമതല ഏറ്റെടുക്കാനും നിർദേശിച്ചിരുന്നു. രണ്ടു വർഷത്തിനിടെ ആലപ്പുഴയിൽ എത്തുന്ന ഏഴാമത്തെ കലക്ടറാണ് അലക്സ് വർഗീസ്.