ബിജെപിക്ക് 3 സീറ്റ് വരെ; സംപൂജ്യരാകുമോ എൽഡിഎഫ്? കേരളത്തിൽ വീണ്ടും യുഡിഎഫ് എന്ന് എക്സിറ്റ് പോൾ

കേരളത്തിൽ ബിജെപി ഇത്തവണ അക്കൗണ്ട് തുറക്കുമെന്ന സൂചനകൾ നൽകി എക്സിറ്റ് പോൾ ഫലങ്ങൾ. ഒന്നു മുതൽ മൂന്നു വരെ സീറ്റുകളാണ് വിവിധ സർവേകൾ ബിജെപിക്കു പ്രവചിക്കുന്നുണ്ട്. കേരളത്തിൽ ഇത്തവണയും യുഡിഎഫ് തരംഗമെന്നു വ്യക്തമാകുന്ന എക്സിറ്റ് പോളുകളിൽ അതേസമയം, കഴിഞ്ഞ തവണത്തെ 19 സീറ്റ് എന്ന നേട്ടത്തിൽനിന്നു യുഡിഎഫ് പിന്നോട്ടു പോകുമെന്നാണ് സൂചന.

ഇടതുമുന്നണിക്ക് ഇത്തവണയും പരാജയമാണ് പ്രവചിക്കുന്നതെങ്കിലും കഴിഞ്ഞ തവണത്തെ ഒരു സീറ്റിൽനിന്ന് മുന്നോട്ടു പോകുമെന്നും ചില സർവേകൾ പറയുന്നു. എന്നാൽ എബിപി– സി വോട്ടർ സർവേ എൽഡിഎഫ് സംപൂജ്യരാകുമെന്നാണ് പ്രവചിച്ചിരിക്കുന്നത്.