ധർമപുരിയിൽ കാർ ബൈക്കിലിടിച്ച് അപകടം; നഴ്സിങ് വിദ്യാർഥിയടക്കം 2 മലയാളികൾ മരിച്ചു

ധർമപുരി∙ തമിഴ്നാട്ടിലെ ധർമപുരിയിൽ, ബൈക്കിൽ കാറിടിച്ച് രണ്ടു മലയാളി യുവാക്കൾ മരിച്ചു. തിരൂർ സ്വദേശിയും നഴ്സിങ് വിദ്യാർഥിയുമായ മുഹമ്മദ് നംഷിദ് (23), പെരിന്തൽമണ്ണ രാമപുരം സ്വദേശി മുഹമ്മദ് ബിൻഷാദ് എന്നിവരാണു മരിച്ചത്. ഇവർ ബെംഗളൂരുവിൽനിന്നു ബൈക്കിൽ നാട്ടിലേക്കു വരുന്നതിനിടെയാണ് അപകടം. കാർ അമിത വേഗത്തിലായിരുന്നെന്നാണ് വിവരം. ബെംഗളൂരുവിലെ ആചാര്യ നഴ്സിങ് കോളജിലെ വിദ്യാർഥിയാണു നംഷിദ്. ഇതേ കോളജിൽ ജോലി ചെയ്തിരുന്ന നഴ്സാണ് ബിൻഷാദ്.