പ്രവാസി സംഘടനാ പരിപാടിയിൽ മുഖ്യാതിഥി; എം.വി.ഗോവിന്ദൻ കുടുംബസമേതം ഓസ്ട്രേലിയയിൽ
Mail This Article
തിരുവനന്തപുരം∙ സിപിഎം സംസ്ഥാന സെക്രട്ടറി എം.വി.ഗോവിന്ദൻ വിദേശ പര്യടനത്തിൽ. ഓസ്ട്രേലിയയിൽ വിവിധ പരിപാടികളിൽ പങ്കെടുക്കാനാണ് കുടുംബ സമേതം യാത്രയായത്. ഇടത് അനുകൂല പ്രവാസി സംഘടന സംഘടിപ്പിക്കുന്ന പരിപാടിയിൽ മുഖ്യാതിഥി ആയാണ് ഗോവിന്ദൻ പങ്കെടുക്കുന്നത്. സീതാറാം യച്ചൂരിയുടെ മരണത്തെ തുടര്ന്ന് നേരത്തെ നിശ്ചയിച്ച തീയതി പുതുക്കി നിശ്ചയിച്ച ശേഷമായിരുന്നു യാത്ര.
സിഡ്നി, മെൽബൺ, ബ്രിസ്ബെൻ, പെര്ത്ത് എന്നിവിടങ്ങിളിൽ വിവിധ പരിപാടികളിലും പങ്കെടുക്കുന്നുണ്ട്. ഒരാഴ്ചത്തെ സന്ദര്ശനമാണ് തീരുമാനിച്ചിട്ടുള്ളത്. യച്ചൂരിയുടെ മരണത്തിന്റെ ദുഃഖാചരണം കഴിഞ്ഞാണ് പോയതെന്നും പാര്ട്ടി പരിപാടിയിൽ പങ്കെടുക്കാനായത് കൊണ്ട് അതിൽ വിമര്ശനത്തിന് പ്രസക്തി ഇല്ലെന്നുമാണ് സിപിഎം വിശദീകരണം. നേരത്തെ, സിപിഎം സംസ്ഥാന സെക്രട്ടറി ആയിരുന്ന കോടിയേരി ബാലകൃഷ്ണന്റെ മരണത്തിനു പിന്നാലെ മുഖ്യമന്ത്രി നടത്തിയ അമേരിക്കൻ സന്ദർശനം വിമർശനങ്ങൾക്ക് വഴിവച്ചിരുന്നു.