പുതുമന ശ്രീജിത് നമ്പൂതിരി ഗുരുവായൂർ മേൽശാന്തി

ഗുരുവായൂർ ∙ ഗുരുവായൂർ ക്ഷേത്ര മേൽശാന്തിയായി പുതുമന ശ്രീജിത് നമ്പൂതിരിയെ നറുക്കെടുത്തു. തൃശൂർ വെള്ളറക്കാട് തോന്നില്ലൂർ സ്വദേശിയാണ് ശ്രീജിത് നമ്പൂതിരി. 

ക്ഷേത്രത്തിൽ ഉച്ചപ്പൂജയ്ക്ക് ശേഷമായിരുന്നു നറുക്കെടുപ്പ്. പുതിയ മേൽശാന്തി 12 ദിവസത്തെ ഭജനത്തിനു ശേഷം 30ന് രാത്രി ചുമതലയേൽക്കും.

പെരുവനം, ശുകപുരം നമ്പൂതിരി ഗ്രാമങ്ങളിൽ നിന്നുള്ള 55 പേർ അപേക്ഷിച്ചിരുന്നു. തന്ത്രിയുമായുള്ള കൂടിക്കാഴ്ചയ്ക്ക് ശേഷം ഇവരിൽ നിന്ന് യോഗ്യരായവരുടെ പേരുകൾ നറുക്കെടുപ്പിൽ ഉൾപ്പെടുത്തും.