ബസ് കാത്തുനിന്ന വിദ്യാർഥിയെ ആക്രമിക്കാനോടിച്ച് തെരുവുനായ്ക്കൂട്ടം – വിഡിയോ

മലപ്പുറം∙ വണ്ടൂർ കുറ്റിയിൽ ബസ് കാത്തുനിന്ന വിദ്യാർഥിയെ തെരുവുനായ്ക്കൂട്ടം ആക്രമിക്കാനോടിയടുത്തു. പരിഭ്രാന്തനായ വിദ്യാർഥി തിരക്കേറിയ റോഡിൽ മറുവശത്തേക്ക് ഓടിയതും പരിഭ്രാന്തി പരത്തി. വിദ്യാർഥി പരുക്കേൽക്കാതെ രക്ഷപ്പെട്ടു. റോഡിന്റെ അരികിൽ വരെ തെരുവുനായക്കൂട്ടം പിന്തുടർന്നു. വണ്ടൂർ സ്വദേശി ഷംസീറിന്റെ മകനെയാണ് നായ്ക്കൂട്ടം പിന്തുടർന്നത്. പഞ്ചായത്തിന്റെ വിവിധ ഭാഗങ്ങളിൽ തെരുവുനായ ശല്യം രൂക്ഷമാണ്.