ചൈനീസ് കമ്യൂണിസ്റ്റ് പാർട്ടി പ്ലീനം തുടങ്ങി

ബെയ്ജിങ് ∙ ചൈനയിലെ ഭരണകക്ഷിയായ കമ്യൂണിസ്റ്റ് പാർട്ടിയുടെ നാലുദിന പ്ലീനം ആരംഭിച്ചു. സർക്കാരിലെ പ്രമുഖർ ഉൾപ്പെടെ കേന്ദ്രകമ്മിറ്റിയിലെ 376 അംഗങ്ങൾ പങ്കെടുക്കുന്ന പ്ലീനം രാജ്യത്തെ പരിഷ്കരണ നടപടികൾ വിലയിരുത്തി നിർദേശങ്ങൾ നൽകും.

ഈ വർഷത്തിന്റെ രണ്ടാം പാദത്തിൽ മൊത്തം ആഭ്യന്തര ഉൽപാദനത്തിൽ 4.7% ഇടിവുണ്ടായതായി പാർട്ടി ജനറൽ സെക്രട്ടറി കൂടിയായ പ്രസിഡന്റ് ഷി ചിൻപിങ് ഉദ്ഘാടന പ്രസംഗത്തിൽ പറഞ്ഞു. ആദ്യപാദത്തിൽ 5.3% വളർച്ചയുണ്ടായിരുന്നു.