പ്രമേഹ രോഗം വരുമോയെന്ന് നേരത്തേ അറിയാൻ സാധിക്കുമോ? ഉവ്വെന്നാണ് ഗവേഷകർ നല്‍കുന്ന ഉത്തരം. പ്രമേഹ രോഗസാധ്യത നേരത്തേ കണ്ടെത്താൻ സഹായിക്കുന്ന പരിശോധനാ കിറ്റ് ബെംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസസും (ഐഐഎസ്‌സി) സ്വീഡനിലെ ഗോഥൻബർഗ് സർവകലാശാലയും ചേർന്നു വികസിപ്പിച്ചിരിക്കുകയാണ്. നമ്മുടെ ശരീരത്തിലെ ആഗ്നേയ ഗ്രന്ഥിയിലെ ഡെൽറ്റ കോശങ്ങളിൽനിന്നുള്ള സൊമറ്റോസ്റ്റാറ്റിൻ എന്ന ഹോർമോണിന്റെ വ്യതിയാനം വിലയിരുത്തി പ്രമേഹത്തിന്റെ ആദ്യ സൂചനകൾ കണ്ടെത്താമെന്നാണ് ഗവേഷകര്‍ പറയുന്നത്. ഇന്റർനാഷനൽ ജേണൽ ഓഫ് മോളിക്യുലാർ സയൻസസിൽ ഗവേഷണ ഫലം പ്രസിദ്ധീകരിച്ചിട്ടുണ്ട്. ഈ കണ്ടെത്തൽ പ്രമേഹ രോഗചികിത്സയിൽ എത്രമാത്രം നിർണായകമാകും? പ്രമേഹ രോഗ ചികിത്സയിലെ നൂതന പ്രവണതകളും വെല്ലുവിളികളും എന്തെല്ലാമാണ്?