മന്ത്രി പറയുന്നു, കേന്ദ്രം സഹായിച്ചില്ലെങ്കിൽ കേരളം കഷ്ടത്തിലാകും; 500 കോടിയും കടക്കും നഷ്ടം: ആരു രക്ഷിക്കും?

‌ആകാശം ഇരുണ്ട് മഴ പെയ്ത് തുടങ്ങിയപ്പോഴേക്കും കഴിഞ്ഞ ദിവസങ്ങളിലെ കൊടുംചൂടിനെ നമ്മൾ അപ്പാടെ മറന്നു. എന്നാൽ കേരളത്തിലെ ലക്ഷക്കണക്കിന് കർഷകർക്ക് അതിന് സാധിക്കുകയില്ല. ജീവിതമാർഗമായ കൃഷിയുടെ പച്ചിലത്തളിരുകൾ അപ്പാടെ കരിച്ചുകളഞ്ഞാണ് വേനൽ കടന്നുപോയത്.

വരൾച്ചയെ തുടർന്ന് സംസ്ഥാനത്ത് സംഭവിച്ച കൃഷി നാശം 500 കോടി കവിയുമെന്നാണ് വിലയിരുത്തൽ. എന്നാൽ കർഷകരുടെ കണ്ണീരൊപ്പാൻ കേന്ദ്രം കനിഞ്ഞാലേ കഴിയു എന്ന നിലപാടിലാണ് സംസ്ഥാന സർക്കാർ. കേന്ദ്രം കനിയുമോ?