ഇന്ദർജിത്തിനെ തളയ്ക്കാൻ ‘ബബ്ബർ’ പരീക്ഷണം; ഗുരുഗ്രാമിൽ കോൺഗ്രസ് തന്ത്രം ഫലിക്കുമോ?

ഡൽഹിയോടു ചേർന്നുകിടക്കുന്ന ഗുഡ്ഗാവ് അഥവാ ഗുരുഗ്രാം 1977ൽ പൊലിഞ്ഞ് 2008ൽ ഉയിർത്തെഴുന്നേറ്റ ലോക്സഭാ മണ്ഡലമാണ്. 1977ൽ അന്നത്തെ മണ്ഡലം മഹേന്ദ്രഗഡിൽ ലയിച്ചു. എന്നാൽ മണ്ഡല പുനർനിർണയ കമ്മിഷന്റെ ശുപാർശപ്രകാരം 2008ൽ ഗുഡ്ഗാവ് പുനർജനിച്ചു. അതിനുശേഷം നടന്ന 3 തിരഞ്ഞെടുപ്പുകളിലും വിജയിച്ചത് ഒരേ വ്യക്തി– റാവു ഇന്ദർജിത് സിങ്. പക്ഷേ ജയിച്ചത് രണ്ടു പാർട്ടികളിൽ നിന്ന്.