‘എന്റെ വീട് രാഹുലിന്റെയും’; ‘മെലിഞ്ഞെങ്കിലും’ വാരാണസിയിൽ മോദിയെ നേരിടാൻ കോൺഗ്രസിന്റെ ‘ബാഹുബലി’

ദേശീയ ബാഹുബലിയും ലോക്കൽ ബാഹുബലിയും ഏറ്റുമുട്ടിയാൽ‍ ജയം ആർക്കായിരിക്കും? നേർക്കുനേർ ഏറ്റുമുട്ടിയപ്പോഴൊക്കെയും ബിജെപിയുടെ ‘ബാഹുബലി’ നേതാവ് നരേന്ദ്ര മോദിക്കൊപ്പമായിരുന്നു ജയം. യുപി കോൺഗ്രസിന്റെ പരമാധ്യക്ഷനായി പാർട്ടി അവരോധിച്ച സ്ഥിതിക്ക് മറ്റൊരു സുരക്ഷിത മണ്ഡലത്തിലേക്ക് മത്സരിക്കരുതോ എന്നു ചോദിച്ചതേ ഓർമയുള്ളു. വാരാണസിയെക്കുറിച്ചുള്ള തന്റെ ബന്ധത്തെക്കുറിച്ചു പറയാൻ കോൺഗ്രസ് അധ്യക്ഷൻ അജയ് റായ് വീട്ടിലേക്കു വിളിച്ചുകൊണ്ടുപോയി!. ചേത്ഗഞ്ച് പൊലീസ് സ്റ്റേഷന്റെ എതിരെയുള്ള തിരഞ്ഞെടുപ്പു കമ്മിറ്റി ഓഫിസിൽ നിൽക്കുമ്പോൾ അതിന്റെ മറുപുറം അജയ് റായിയുടെ വീടാണെന്ന് കരുതിയതല്ല.