‘ഭയം വേണ്ട, അതേസമയം ജാഗ്രത തുടരണം’– കോവിഡ് വ്യാപനത്തിന്റെ തുടക്കം മുതൽ ആവർത്തിച്ചു പറയുന്നതാണിത്. പല കോവിഡ് തരംഗങ്ങൾ തരണം ചെയ്യാൻ നമ്മെ സഹായിച്ച പ്രതിരോധ തന്ത്രം വീണ്ടും പ്രസക്തമാകുകയാണ്. കോവിഡ് വ്യാപനത്തിൽ അടുത്തിടെ വർധന കണ്ടതാണ് കാരണം. കോവിഡ് പ്രതിരോധം സംബന്ധിച്ച് കേന്ദ്ര, സംസ്ഥാന ആരോഗ്യ വകുപ്പുകൾ നിർദേശങ്ങളും പുറപ്പെടുവിപ്പിച്ചു. ഈ സമയം എല്ലാവരുടെയും മനസ്സിൽ എത്തുന്ന ഏതാനും ചോദ്യങ്ങളുണ്ട്. കോവിഡ് വീണ്ടും വ്യാപിക്കുകയാണോ?. എന്തു കൊണ്ടാണ് കോവിഡ് വീണ്ടും പെട്ടെന്നു വ്യാപിക്കുന്നത്? ഒമിക്രോണിന്റെ പുതിയ വകഭേദമായ XBB 1.16 എന്താണ്? ഒമിക്രോണിന്റെ ഇതു വരെയുള്ള വകഭേദങ്ങളിൽനിന്ന് എന്താണ് ഇതിനുള്ള വ്യത്യാസം? വിശദമാക്കുകയാണ് ദേശീയ ഐഎംഎ കോവിഡ് ടാസ്ക് ഫോഴ്സ് കോ–ചെയർമാൻ ഡോ. രാജീവ് ജയദേവൻ.