Tattoo Times

ആഡംബരക്കല്യാണത്തിന് കാശൊഴുകട്ടെ

ആഡംബര വിവാഹങ്ങൾ പ്രോത്സാഹിപ്പിച്ചാലോ? ഈ ചോദ്യം കേട്ടാൽ ചിലരെങ്കിലും നെറ്റി ചുളിക്കും. ഇതൊക്കെ പ്രോത്സാഹിപ്പിക്കേണ്ട കാര്യമുണ്ടോ, ഒരു പന്തലും കെട്ടിക്കൊടുക്കാതെ തന്നെ ഇത്തരം കാര്യങ്ങൾ പടർന്നുപിടിക്കില്ലേ എന്നാകും അവർ ചിന്തിക്കുക. അതു ശരിയാണ്, സംഗതി പടർന്നുപിടിക്കുന്നുണ്ട്. പണ്ടൊന്നും കേട്ടുപരിചയമില്ലാത്ത മഞ്ഞൾ, മൈലാഞ്ചി ചടങ്ങുകളോടെ വിവാഹങ്ങൾ ഇപ്പോൾ മിനിമം ഒരാഴ്ചയെങ്കിലും നീളുന്ന പരിപാടിയായിരിക്കുന്നു. നാട്ടിൻപുറങ്ങളിലെ വിവാഹങ്ങൾപോലും നടത്തിക്കൊടുക്കുന്നത് ഇവന്റ് മാനേജ്മെന്റ് സ്ഥാപനങ്ങളാണ്.