വില ചാഞ്ചാടുമ്പോൾ സ്വർണ വായ്പയിൽ നിന്നെങ്ങനെ നേട്ടമെടുക്കാം

ഈടു നൽകാൻ സ്വർണമുണ്ടെങ്കിൽ എളുപ്പത്തിൽ വായ്പ കിട്ടും. എന്നാൽ, എവിടെയാണ് കുറഞ്ഞ പലിശ? പ്രോസസിങ് ഫീ എത്രയാണ്? മറ്റു ചാർജുകൾ എന്തെങ്കിലും ഉണ്ടോ? ഇതെല്ലാം അറി‍ഞ്ഞു വേണം വായ്പ വാങ്ങാൻ. 

എസ്ബിഐ

∙ 20,000 രൂപ മുതൽ 50 ലക്ഷം രൂപ വരെ വായ്പ.

∙ പലിശ 7.30%. കാലാവധി 3 വർഷം വരെ.

∙ പ്രോസസിങ് ഫീ കുറഞ്ഞത് 500 രൂപ.

കനറാ ബാങ്ക് 

∙ 5,000 രൂപ മുതൽ 35 ലക്ഷം രൂപ വരെ വായ്പ. 

∙ പലിശ 7.25%. കാലാവധി 2 വർഷം വരെ.

∙ പ്രോസസിങ് ഫീ കുറഞ്ഞത് 500 രൂപ. പരമാവധി 5,000 രൂപ.

ഫെഡറൽ ബാങ്ക്

∙ 1,000 രൂപ മുതൽ 1.5 കോടി രൂപ വരെ വായ്പ.

∙ പലിശ 8.5% മുതൽ. 6 മാസം മുതൽ കാലാവധി.

∙ വിലയുടെ (LTV) 75% വരെ വായ്പ.

സൗത്ത് ഇന്ത്യൻ ബാങ്ക്

∙ 5,000 രൂപ മുതൽ 10 കോടി രൂപ വരെ വായ്പ.

∙ കാലാവധി മൂന്നു മുതൽ 12 മാസം വരെ.

∙ പലിശ 1 വർഷം MCLR+ 0.45%.

∙ വിലയുടെ (LTV) 73% വരെ വായ്പ. 

മണപ്പുറം ഫിനാൻസ്

∙ പലിശനിരക്ക് 9.90% മുതൽ 29% വരെ.

∙ പരമാവധി വായ്പ 1.5 കോടി രൂപ വരെ.

∙ കുറ‍ഞ്ഞ ദിവസത്തിന് കുറഞ്ഞ പലിശ. 

∙ ഭാഗികമായും പണമടയ്ക്കാം.

∙ മൂന്നു മാസം മുതൽ 12 മാസം വരെ കാലാവധി.

കെഎസ്എഫ്ഇ

∙ 30,000 രൂപയ്ക്കു മുകളിൽ 25 ലക്ഷം വരെ. 

∙ 9.5% പലിശ. പിഴപ്പലിശ 1.5% മുതൽ 2.25% വരെ. 

∙ 3 മാസം മുതൽ കാലാവധി.

മുത്തൂറ്റ് ഫിൻകോർപ്

∙ ഒരു ലക്ഷം രൂപ വരെ വായ്പയ്ക്ക് പലിശ 12%, കാലാവധി 6 മാസം.

∙ 1– 3 ലക്ഷം രൂപ വരെയുള്ള വായ്പയ്ക്ക് 14% പലിശ. കാലാവധി 9 മാസം.

∙ 3– 5 ലക്ഷം രൂപ വരെ വായ്പയ്ക്ക് 10% പലിശ. കാലാവധി 9 മാസം. 

മുത്തൂറ്റ് ഫിനാൻസ്

∙ കുറ‍ഞ്ഞ വായ്പ 1,500 രൂപ. പരമാവധിക്ക് പരിധി ഇല്ല.

∙ പലിശ 12% മുതൽ 27% വരെ.

∙ കാലാവധി 3 വർഷം വരെ.

∙ മുൻകൂറായും ഭാഗികമായും പണമടയ്ക്കാം.

കൊശമറ്റം ഫിനാൻസ്

∙ 500 മുതൽ 50 ലക്ഷം രൂപ വരെ വായ്പ.

∙ KF1 വായ്പയിൽ മൂന്നു മാസ കാലാവധിക്ക് 16%. 5 മാസത്തേക്ക് 20%.

∙ KF2 വായ്പയ്ക്ക് മൂന്നു മാസത്തേക്ക് 15%. 9 മാസത്തേക്ക് 28% പലിശ.

∙ ഭാഗികമായി പണമടയ്ക്കാൻ അവസരം. 

വായ്പ വാങ്ങും മുൻപ് അറിയുക

∙ ഈടുസ്വർണത്തിന്റെ മാറ്റും വിലയുമാണ് വായ്പത്തുക നിശ്ചയിക്കുക. 

∙ സ്വർണവില ഉയർന്നു നിൽക്കുമ്പോൾ കൂടുതൽ തുക  വായ്പയായി ലഭിക്കും.

∙ ലോൺ ടു വാല്യു (LTV), കാലാവധി, വായ്പത്തുക എന്നിവയ്ക്കനുസരിച്ച് പലിശയിൽ മാറ്റം വരാം.. 

∙ കുറഞ്ഞ ചെലവിലുള്ള വായ്പ കണ്ടെത്താൻ പലിശ മാത്രം താരതമ്യം ചെയ്താൽ പോരാ. 

∙ എൻബിഎഫ്സികളിൽ കാലാവധി കൂടിയാൽ പലിശയും കൂടുമെങ്കിലും ബാങ്കുകളെ അപേക്ഷിച്ച് ഗ്രാമിന് കൂടുതൽ തുക ലഭിക്കും.

∙ വായ്പ എടുക്കും മുൻപ് തിരിച്ചടവു രീതി മനസ്സിലാക്കണം. ഇഎംഐ ആണോ ഒറ്റത്തവണയാണോ എന്നറിയണം. നമ്മുടെ പണവരവ്, വരുമാനം എന്നിവയ്ക്കനുയോജ്യമായ രീതി തിര‍ഞ്ഞെടുക്കാം.

∙ മുൻകൂർ അടവ്, കാലാവധിയെത്തും മുൻപ് അവസാനിപ്പിക്കൽ എന്നിവയ്ക്ക് ഫീ ഉണ്ടോയെന്നു മനസ്സിലാക്കണം.

∙ ഉപഭോക്തൃ സൗഹൃദ ഉപാധികളായ എസ്എംഎസ്, റിമൈൻഡറുകൾ എന്നിവയുള്ളതും പരിഗണിക്കാവുന്നതാണ്. 

English Summary : How to Get Gold Loan in a Smart Way