മൂന്നു ദിവസത്തിനു ശേഷം സംസ്ഥാനത്ത് സ്വർണ വില ഉയർന്നു

മൂന്നു ദിവസത്തെ ഇടവേളയ്ക്ക് ശേഷം സംസ്ഥാനത്ത് സ്വർണ വില ഉയർന്നു. ഗ്രാമിന് 15 രൂപയും പവന് 120 രൂപയും ഇന്ന് വർധിച്ചു. ഇതോടെ ഗ്രാമിന് 4,595 രൂപയിലും പവന് 36,760 രൂപയിലുമാണ് ശനിയാഴ്ച വ്യാപാരം പുരോഗമിക്കുന്നത്. ഗ്രാമിന് 40 രൂപയും പവന് 320 രൂപയും കുറഞ്ഞു. ഗ്രാമിന് 4,580 രൂപയിലും പവന്  36,640 രൂപയിലുമാണ് വെള്ളിയാഴ്ച വ്യാപാരം നടന്നത്. ഈ മാസത്തെ ഏറ്റവും കുറഞ്ഞ വിലയായിരുന്നു ഇത്. ഈ മാസത്തെ ഏറ്റവും കൂടിയ നിരക്ക് സെപ്റ്റംബർ 6 ന് രേഖപ്പെടുത്തിയ ഗ്രാമിന് 4,690 രൂപയും പവന് 37,520 രൂപയുമാണ്.

രാജ്യാന്തര വിപണിയിലും സ്വർണ വില ഉയർന്നു. കഴിഞ്ഞ ദിവസങ്ങളിലായി സംസ്ഥാനത്തു ഇടിഞ്ഞു നിന്ന വിലയിൽ ഉണർവ് വരാൻ പ്രധാന കാരണമിതാണ്. ആഗോള വിപണിയിയിലെ മാറ്റങ്ങൾ പ്രാദേശിക വിപണി വിലയിലും പ്രതിഫലിക്കും.

English Summary: Gold Price Today in Kerala