‘അരികെ ഒരുപാട് പേരുള്ളപ്പോഴും ഒറ്റയ്ക്കായതു പോലെ’; മത്സര സമ്മർദം മാനസികാരോഗ്യത്തെ ബാധിച്ചെന്നു കോലി

ന്യൂഡൽഹി ∙ മത്സരത്തിനിടെയുണ്ടായ സമ്മർദം തന്റെ മാനസികാരോഗ്യത്തെ ബാധിച്ചിട്ടുണ്ടെന്ന് ഇന്ത്യൻ സൂപ്പർ താരം വിരാട് കോലി. ‘സ്നേഹിക്കുകയും പിന്തുണയ്ക്കു‌കയും ചെയ്യുന്ന ഒരുപാടു പേർ റൂമിലുള്ളപ്പോഴും ഞാൻ ഒറ്റയ്ക്കായെന്നു തോന്നിയിട്ടുണ്ട്. അതു ഗൗരവമായ വിഷയമാണ്. എത്ര കരുത്താർജിക്കാൻ ശ്രമിച്ചാലും ആ മാനസികാവസ്ഥ നമ്മളെ കീറി മുറിക്കും.– ദേശീയ മാധ്യമത്തിനു നൽകിയ അഭിമുഖത്തിൽ കോലി പറഞ്ഞു.

മാനസികാവസ്ഥ ശരിയല്ലെങ്കിൽ ചുറ്റും സംഭവിക്കുന്ന കാര്യങ്ങളെല്ലാം നമ്മളെ വല്ലാതെ അലട്ടിക്കൊണ്ടിരിക്കും. ഇത്തരം സാഹചര്യങ്ങളെ മറികടന്ന് തിരിച്ചെത്താൻ കായിക താരങ്ങൾക്കു വിശ്രമം അനിവാര്യമാണെന്നും കോലി പറഞ്ഞു.

English Summary: ‘Felt alone in room full of people who love me’ – Virat Kohli on significance of mental health