അൻഷുമൻ ഗെയ്ക്വാദിന് ഒരു കോടി രൂപ ചികിത്സാ സഹായവുമായി ബിസിസിഐ
![anshuman-gaekwad അൻഷുമൻ ഗെയ്ക്വാദ്](https://img-mm.manoramaonline.com/content/dam/mm/mo/sports/cricket/images/2024/7/15/anshuman-gaekwad.jpg?w=1120&h=583)
Mail This Article
×
മുംബൈ ∙ കാൻസർ ബാധിതനായി ചികിത്സയിൽ കഴിയുന്ന മുൻ ഇന്ത്യൻ ക്രിക്കറ്റ് താരവും പരിശീലകനുമായ അൻഷുമൻ ഗെയ്ക്വാദിന് ഒരു കോടി രൂപ സഹായം പ്രഖ്യാപിച്ച് ബിസിസിഐ. രക്താർബുദം ബാധിച്ചു ലണ്ടനിലെ ആശുപത്രിയിൽ ചികിത്സയിലുള്ള അൻഷുമനു ബിസിസിഐ സഹായം നൽകണമെന്ന് മുൻ ഇന്ത്യൻ ക്യാപ്റ്റൻ കപിൽദേവ് ഉൾപ്പെടെയുള്ളവർ ആവശ്യപ്പെട്ടിരുന്നു.
ഇതേത്തുടർന്നാണു തുക അനുവദിക്കാൻ സെക്രട്ടറി ജയ് ഷാ നിർദേശം നൽകിയത്. എഴുപത്തിയൊന്നുകാരനായ അൻഷുമൻ ഗെയ്ക്വാദ് 40 ടെസ്റ്റുകളും 15 ഏകദിനങ്ങളും ഇന്ത്യയ്ക്കായി കളിച്ചിട്ടുണ്ട്. 2000 ചാംപ്യൻസ് ട്രോഫിയിൽ ഫൈനൽ വരെയെത്തിയ ഇന്ത്യൻ ടീമിന്റെ പരിശീലകനുമായിരുന്നു.
English Summary:
Rs.1cr financial aid for ailing Anshuman Gaekwad
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.