ക്യാപ്റ്റൻ ഹാരി ബ്രൂക്കിന് കന്നി ഏകദിന സെഞ്ചറി, ഇംഗ്ലണ്ടിന് ജയം; തുടർച്ചയായ 14 വിജയങ്ങൾക്കു ശേഷം ഓസ്ട്രേലിയ തോറ്റു

ലണ്ടൻ ∙ ഏകദിന ക്രിക്കറ്റിൽ ഓസ്ട്രേലിയയുടെ അപരാജിത കുതിപ്പിന് തടയിട്ട് ഇംഗ്ലണ്ട്. ക്യാപ്റ്റൻ ഹാരി ബ്രൂക്കിന്റെ കന്നി ഏകദിന സെഞ്ചറിയുടെ മികവിൽ (110 നോട്ടൗട്ട്) ഓസ്ട്രേലിയയ്ക്കെതിരായ മൂന്നാം ഏകദിനത്തിൽ ഇംഗ്ലണ്ടിന് ജയം.

മഴ കളി മുടക്കിയ മത്സരത്തിൽ ഡക്ക്‌വർത്ത് ലൂയിസ് നിയമപ്രകാരം 46 റൺസിനായിരുന്നു ഇംഗ്ലിഷ് ജയം. സ്കോർ: ഓസ്ട്രേലിയ 50 ഓവറിൽ 7ന് 304. ഇംഗ്ലണ്ട് 37.4 ഓവറിൽ 4ന് 254. ഏകദിനത്തിൽ തുടർച്ചയായ 14 വിജയങ്ങൾക്കുശേഷമാണ്  ഓസീസ്  തോൽവി വഴങ്ങുന്നത്.