ബെംഗളൂരു ഗോൾ വഴങ്ങാതെ 481 മിനിറ്റ്; ഐഎസ്‌എലിൽ റെക്കോർഡ്

ബെംഗളൂരു ∙ ഐഎസ്എൽ ഫുട്ബോളിൽ പഞ്ചാബ് എഫ്സിയെ 1–0ന് തോൽപിച്ച ബെംഗളൂരു എഫ്സി പോയിന്റ് പട്ടികയിൽ ഒന്നാം സ്ഥാനത്ത്. 43–ാം മിനിറ്റിൽ നവോറം റോഷൻ സിങ്ങാണ് ബെംഗളൂരുവിന്റെ വിജയഗോൾ നേടിയത്. ജയത്തോടെ, തുടർച്ചയായ 5–ാം മത്സരത്തിലും ഗോൾ വഴങ്ങാതിരുന്ന ബെംഗളൂരു പുതിയ ലീഗ് റെക്കോർഡിട്ടു. 

ഗോൾ വഴങ്ങാതെ 481 മിനിറ്റുകളാണ് നിലവിൽ ബെംഗളൂരുവിന്റെ പേരിലുള്ളത്. ജംഷഡ്പുർ എഫ്സി 2017–18 സീസണിൽ സ്ഥാപിച്ച 389 മിനിറ്റിന്റെ റെക്കോർഡാണ് തിരുത്തിയത്.