‘വണ്ടിനെ തേടും ഞാനൊരു പൂവിൻ മൊട്ട്’, ഓറഞ്ച് സാരിയിൽ ഹോട്ട്ലുക്കിൽ ഹണി റോസ്

ഓറഞ്ച് സാരിയിൽ അതിസുന്ദരിയായി ഹണി റോസ്. മുത്തുകൾ തുന്നിച്ചേർത്ത ഓറഞ്ച് ജോർജെറ്റ് സാരിയിലാണ് താരം എത്തിയത്. ‘വണ്ടിനെ തേടും’ എന്ന ഗാനത്തിന്റെ പശ്ചാത്തലത്തിലാണ് താരം ഓറഞ്ച് സാരിയില്‍ എത്തിയത്. 

ഓറഞ്ച് നിറത്തിലുള്ള സ്ലീവ് ലെസ് ബ്ലൗസിന്റെ നെക്കില്‍ മുത്തുകൾ തുന്നിച്ചേർത്തിരിക്കുന്നു. സാരിക്കു ചേരുന്ന വിധത്തിൽ ട്രഡീഷനൽ രീതിയിലുള്ളതാണ് ആക്സസറീസും മേക്കപ്പും. 

മുടിയിൽ മുല്ലപ്പൂ ചൂടിയിട്ടുണ്ട്. സിംപിൾ മേക്കപ്പാണ്. വെള്ള മുത്തുകളുള്ള ജിമിക്കിയും വളയുമാണ് ആക്സസറീസ്. പിങ്ക് ഷെയ്ഡാണ് ലിപ്സ്റ്റിക്. സാരിക്കു ചേരുന്ന സിൽവർ ഗ്ലിറ്റർ ഷൂ. 

സാരിയിലുള്ള താരത്തിന്റെ വിഡിയോയ്ക്കു താഴെ നിരവധി കമന്റുകളുമെത്തി. ‘അതിമനോഹരം’ എന്നാണ് ചിത്രത്തിനു താഴെ ആരാധകരിൽ ഭൂരിഭാഗവും കമന്റ് ചെയ്തത്. ‘ഭൂമിയിലെ ഏറ്റവും സുന്ദരികളിൽ ഒരാൾ’ എന്നിങ്ങനെയുള്ള കമന്റുകളും എത്തി.