രണ്ടാംദിനത്തിൽ അതിഥികളുടെ അനുഗ്രഹം തേടി അനന്തും രാധികയും; പ്രമുഖർ പങ്കെടുക്കുന്ന അംബാനി വിരുന്ന്
![anant-ambani-radhika-wedding അനന്ത് അംബാനിയും രാധിക മെർച്ചന്റും വിവാഹ ദിനത്തിൽ.](https://img-mm.manoramaonline.com/content/dam/mm/mo/style/wedding/images/2024/7/12/anant-ambani-radhika-wedding.jpg?w=1120&h=583)
Mail This Article
റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനിയുടെയും നിത അംബാനിയുടെയും മകൻ അനന്ത് അംബാനിയുടെയും രാധിക മർച്ചന്റിന്റെയും വിവാഹ ആഘോഷങ്ങൾ മുംബൈ ബികെസിയിലെ ജിയോ കൺൻഷൻ സെന്ററിൽ പുരോഗമിക്കുകയാണ്.
വധൂവരന്മാർ അതിഥികളുടെയും ബന്ധുക്കളുടെയും അനുഗ്രഹം തേടുന്ന ചടങ്ങാണ് രണ്ടാം ദിനമായ ജൂലൈ 13ന് നടക്കുന്നത്. വിവിധ മേഖലയിൽ നിന്നുള്ള പ്രമുഖർ ചടങ്ങിൽ പങ്കെടുക്കുന്നുണ്ട്.
ശുഭ് ആശിർവാദ് ദിനത്തിലെ വിരുന്നിൽ കേന്ദ്രമന്ത്രിമാരും വിവിധ സംസ്ഥാനങ്ങളിലെ മുഖ്യമന്ത്രിമാരും പങ്കെടുക്കുന്നുണ്ട്. എല്ലാ മുഖ്യമന്ത്രിമാരെയും ക്ഷണിച്ചിട്ടുണ്ട്.
മുംബൈയിൽ വിവിധ പരിപാടികൾക്കായെത്തുന്ന പ്രധാനമന്ത്രി നരേന്ദ്ര മോദിയും ചടങ്ങിൽ പങ്കെടുത്തേക്കും.
ജൂലൈ–14 മംഗൾ ഉത്സവ് ദിനത്തിൽ ബോളിവുഡ് താരനിര അണിനിരക്കും. രാഷ്ട്രീയ നേതാക്കളും അതിഥി പട്ടികയിലുണ്ട്. 15നു റിലയൻസ് ജീവനക്കാർക്കായി വിരുന്നൊരുക്കിയിട്ടുണ്ട്.
യുകെ മുൻ പ്രധാനമന്ത്രിമാരായ ബോറിസ് ജോൺസൺ, ടോണി ബ്ലെയർ, കാനഡ മുൻ പ്രധാനമന്ത്രി സ്റ്റീഫൻ ഹാർപർ തുടങ്ങി ഒട്ടേറെ പ്രമുഖരാണ് എത്തുന്നത്.